U shfaq në një video duke dhunuar ish-partneren, jep dorëheqjen nënkryetari i partisë opozitare në Turqi
Berhan Simsek ka njoftuar dorëheqjen nga posti i nënkryetarit të Partisë Republikane Popullore (CHP) dhe nga Komiteti Qendror Ekzekutiv i partisë, pas publikimit në rrjetet sociale të videove ku ai duket se ushtron dhunë ndaj ish-partneres së tij. Në pamjet e publikuara, Simsek shihet në kopshtin e një banese duke e goditur me shqelm në […]
Nju Jorku i thotë “jo” AI-së në shkolla, chatbot-et ndalohen deri në gjimnaz
Për një vit, shkollat publike të Nju Jorkut do të ndalojnë përdorimin e inteligjencës artificiale deri në klasën e nëntë. Vendim ky i njoftuar më 2 shtator nga kryebashkiaku Zohran Mamdani, i përshkruar si rregullimi më i rreptë i vendosur deri tani në Shtetet e Bashkuara. Nxënësit e shkollave të mesme, ndërkaq, do të kenë […]
“Po kalojmë një tronditje energjetike”, Besent fajëson Ukrainën për rritjen e çmimeve të energjisë
Sekretari i Thesarit i SHBA-së, Scott Bessant, tha se sulmet ukrainase ndaj infrastrukturës ruse të naftës po shkaktojnë një tronditje globale të energjisë dhe po çojnë në një rritje të çmimeve të karburantit në të gjithë botën, shkruan The New York Times. Bessent tha se veprimet e Ukrainës që synojnë objektet energjetike ruse janë bërë një nga [...] Read More...
Nëse AfD merr pushtetin, fëmijët me aftësi ndryshe nuk do hynin në shkolla normale
Nëse AfD-ja do të merrte pushtetin në Saksoninë-Anhalt, përfshirja e fëmijëve me aftësi ndryshe në shkollat e zakonshme mund të vihej në pikëpyetje. Partia e ekstremit të djathtë propozon rikthimin e shkollave speciale për nxënësit me nevoja të veçanta dhe klasa të ndara për migrantët. Andreas Silbersack, drejtues i grupit parlamentar të FDP-së në land, […]
Ukraina njofton rifillimin e bisedimeve të paqes me Rusinë në fund të shtatorit
Ukraina mund të rifillojë në fund të shtatorit negociatat me Rusinë për t’i dhënë fund luftës, në një proces që pritet të ndërmjetësohet nga Shtetet e Bashkuara. Shefi i Zyrës së Presidentit ukrainas, Kyrylo Budanov, i tha gazetës The New York Times se bisedimet mund të rikthehen në tryezën e negociatave gjatë javëve të fundit [...] Read More...
Witkoff dhe Kushner drejt Ukrainës për raundin e ri të bisedimeve, Zelensky: Do të garantojmë sigurinë e hapësirës ajrore
Dy negociatorët amerikanë, Steve Witkoff dhe Jared Kushner, do të vizitojnë Ukrainën të dielën, pas vizitës së tyre në Moskë, bëri të ditur presidenti ukrainas Volodymyr Zelensky. Zelensky deklaroi se Ukraina do të garantojë sigurinë e hapësirës ajrore gjatë vizitës së negociatorëve amerikanë në Moskë, duke i bërë thirrje Rusisë të ndalojë sulmet ajrore ndaj […]
SHBA-të forcojnë aleancat në Amerikën Latine, Rubio udhëton drejt Kolumbisë, Ekuadorit dhe Perusë
Sekretari amerikan i Shtetit, Marco Rubio, do të vizitojë Kolumbinë, Ekuadorin dhe Perunë nga 8 deri më 10 shtator, në kuadër të përpjekjeve të administratës Trump për të forcuar marrëdhëniet me vendet e Amerikës Latine. Gjatë vizitës, Rubio pritet të zhvillojë takime me drejtuesit e tre vendeve, ku në qendër të diskutimeve do të jenë siguria, lufta kundër trafikut të drogës, krimi i organizuar dhe bashkëpunimi ekonomik. Në Kolumbi, bisedimet do të përfshijnë edhe mbështetjen amerikane pas tërmetit, si dhe zgjerimin e bashkëpunimit në luftën kundër narkotrafikut. Washingtoni synon gjithashtu të thellojë marrëdhëniet tregtare me Kolumbinë, Ekuadorin dhe Perunë, ndërsa siguria rajonale është kthyer në një nga prioritetet kryesore të politikës amerikane në hemisferën perëndimore. Kolumbia së fundmi është bërë pjesë e Koalicionit Kundër Karteleve të Amerikave (A3C), një nismë e mbështetur nga administrata Trump për goditjen e rrjeteve të trafikut të drogës dhe krimit të organizuar. Në Ekuador, Rubio pritet të diskutojë me presidentin Daniel Noboa për bashkëpunimin në fushën e sigurisë dhe operacionet e përbashkëta kundër narkotikëve. Departamenti amerikan i Shtetit e ka paraqitur turneun si një mundësi për të forcuar partneritetet e SHBA-së dhe për të ndërtuar një hemisferë perëndimore më të sigurt, demokratike dhe ekonomikisht më të zhvilluar. /tvklan.al
Italia dhuron 160 mijë viza për rusët/ A rrezikohet vendi nga agjentët e Moskës?
Italia vazhdon të jetë një nga vendet europiane që lëshon më shumë viza për qytetarët rusë, duke ngritur shqetësime për mundësinë e infiltrimit të agjentëve të shërbimeve ruse në zonën Schengen. Sipas të dhënave të Komisionit Europian, në vitin 2025 Italia miratoi rreth 164 mijë viza për aplikantë rusë në konsullatat e Moskës dhe Shën Petersburgut, ndërsa në vitin 2024 kishte miratuar mbi 152 mijë. Së bashku me Francën dhe Spanjën, Italia përbën pjesën dërrmuese të vizave Schengen të lëshuara për rusët. Në vitin 2025, në gjithë zonën Schengen u dhanë rreth 620 mijë viza për qytetarët rusë, një rritje krahasuar me vitet menjëherë pas pushtimit të Ukrainës në vitin 2022, por ende shumë më pak se rreth 4 milionë vizat e vitit 2019. Shqetësimi kryesor i shërbimeve perëndimore është se, krahas turistëve dhe biznesmenëve rusë, përmes këtyre kanaleve mund të hyjnë edhe persona të lidhur me shërbimet e inteligjencës së Moskës. Rasti i agjentëve të GRU-së të përfshirë në helmimin e Sergei Skripal në Salisbury, të cilët kishin udhëtuar më parë përmes Italisë, përmendet si një shembull rreziku. Në fokus është edhe procedura e dhënies së vizave. Italia, Franca dhe Spanja janë ndër vendet që kanë kundërshtuar masa të reja kufizuese ndaj turistëve rusë. Përfaqësuesja e lartë e BE-së për Politikën e Jashtme, Kaja Kallas, ka kërkuar kufizime më të ashpra për hyrjen e shtetasve rusë në BE, ndërsa Komisioni Europian ka paralajmëruar ndryshime të mëtejshme në rregullat e vizave. Një tjetër çështje lidhet me një hetim në Itali ndaj ambasadorit të atëhershëm italian në Uzbekistan, Piergabriele Papadia de Bottini, i cili dyshohet se ka lehtësuar lëshimin e vizave për shtetas rusë kundrejt pagesave që arrinin deri në 16 mijë euro për person. Sipas hetuesve, përmes kësaj skeme kanë hyrë në Itali 97 shtetas rusë, disa prej të cilëve dyshohet se kishin lidhje me shërbimet ruse. Rritja e numrit të vizave dhe rastet e dyshuara të abuzimit kanë rikthyer debatin në Europë mbi kontrollin e hyrje…
JD Vance: Me Iranin nuk është më një luftë, përplasjet e vërteta kanë përfunduar
Zëvendëspresidenti amerikan JD Vance ka minimizuar përmasat e përplasjes me Iranin, duke deklaruar se ajo që po ndodh aktualisht nuk mund të cilësohet si luftë. “Me Iranin nuk është një luftë, pasi përplasjet e vërteta me armë zjarri kanë përfunduar një muaj më parë”, deklaroi Vance gjatë një konference për shtyp në Shtëpinë e Bardhë. Sipas tij, sulmet e ndërsjella të ditëve të fundit janë më tepër “përplasje me intensitet të ulët” dhe nuk përbëjnë një konflikt të mirëfilltë. Vance nuk dha një afat për përfundimin e armiqësive, duke thënë se gjithçka do të varet nga veprimet e Teheranit. CNN raporton se qëndrimi i administratës Trump mund të synojë të kufizojë perceptimin mbi përmasat e konfliktit, veçanërisht në një kohë kur përfshirja ushtarake amerikane nuk gëzon mbështetje të gjerë në opinionin publik dhe kur afrohen zgjedhjet e mesmandatit në nëntor. Sipas të dhënave të Pentagonit të cituara nga CNN, bilanci amerikan deri tani është 18 të vdekur dhe 790 të plagosur. Vance foli gjithashtu për sulmin e raportuar gjatë një dasme në Iran, ku sipas mediave shtetërore iraniane humbën jetën pesë persona, ndërsa dhjetëra të tjerë u plagosën. “Po hetojmë në mënyrë shumë të thelluar”, tha zëvendëspresidenti amerikan, duke theksuar se forcat amerikane nuk synojnë civilët. Megjithatë, ai shtoi se incidente të tilla janë “gjëra që ndodhin”, duke nënvizuar se ushtria amerikane duhet të mësojë nga gabimet e saj. “Kur forcat tona të armatosura bëjnë gabime, mësojnë prej tyre për t’u përmirësuar”, deklaroi Vance. /tvklan.al
BE kundër planit izraelit për Gazën: Nuk duhet të ketë zhvendosje të detyruar
Bashkimi Evropian kundërshton çdo përpjekje për ndryshime demografike apo territoriale në Rripin e Gazës dhe paralajmëron se popullsia palestineze nuk duhet të zhvendoset me forcë. Zëdhënësi i Komisionit Evropian, Christian Wigand, deklaroi se Bashkimi Evropian është kundër çdo zhvendosjeje të detyruar të banorëve të Gazës, duke iu përgjigjur pyetjeve të gazetarëve lidhur me planet e përfolura izraelite për largimin e popullsisë nga Rripi i Gazës. “Nuk duhet të ketë asnjë zhvendosje të detyruar të popullsisë së Gazës”, u shpreh Wigand gjatë konferencës së përditshme për shtyp të Komisionit Evropian. Deklarata e tij vjen pas komenteve të ministrit izraelit të Mbrojtjes, Israel Katz, lidhur me planet për largimin e banorëve nga Gaza, si dhe propozimit të ministrit të Sigurisë Kombëtare, Itamar Ben-Gvir, për atë që është cilësuar si “emigrim vullnetar” i palestinezëve nga Rripi i Gazës. Sipas propozimit të bërë publik, synohet transferimi i rreth 1.86 milionë palestinezëve nga Gaza brenda një periudhe shtatëvjeçare. Bashkimi Evropian e kundërshton një qasje të tillë dhe thekson se nuk duhet të ketë ndryshime demografike apo territoriale në Rripin e Gazës. Wigand nënvizoi se BE-ja vijon të mbështesë bashkimin e Rripit të Gazës me Bregun Perëndimor nën Autoritetin Palestinez, në përputhje me Rezolutën 2735 të Këshillit të Sigurimit të Kombeve të Bashkuara. “Gaza përbën një pjesë integrale të shtetit të ardhshëm palestinez”, deklaroi zëdhënësi i Komisionit Evropian, duke përsëritur qëndrimin e BE-së kundër zhvendosjes së detyruar të popullsisë palestineze. Qëndrimi i Brukselit vjen në një kohë kur diskutimet mbi të ardhmen politike dhe territoriale të Gazës, si dhe mbi statusin e popullsisë palestineze, mbeten në qendër të debatit ndërkombëtar. /tvklan.al