Britania thërret ambasadorin serb për sqarime pas nderimeve për Mlladiçin
Britania e Madhe ka thirrur për sqarime të ngarkuarin me punë të Serbisë në Londër, për të dënuar përfshirjen e zyrtarëve serbë në ceremoninë mortore të ish-komandantit serb të Bosnjës, Ratko Mlladiç. Mlladiç, i njohur si “Kasapi i Bosnjës”, vdiq në fund të gushtit në Hagë, ku po vuante një dënim të përjetshëm për gjenocid, krime lufte dhe krime kundër njerëzimit. Funeralet e tij u zhvilluan të hënën në Beograd, ku morën pjesë mijëra njerëz. I dërguari i posaçëm britanik për Ballkanin Perëndimor, Dame Karen Pierce, thirri përfaqësuesin diplomatik serb për të shprehur kundërshtimin e Londrës ndaj pjesëmarrjes së zyrtarëve shtetërorë dhe ushtarakë serbë në ceremoninë mortore. Ministri britanik për Evropën, Lord Wood of Anfield, tha se glorifikimi i një krimineli lufte të dënuar dëmton besimin, nxit ndarjet dhe bie ndesh me procesin e pajtimit në Bosnjë dhe Hercegovinë dhe në rajon. Ai shtoi se mendimet e qeverisë britanike janë me viktimat e Mlladiçit dhe familjet e tyre, duke theksuar se ato meritojnë respekt, dhembshuri dhe drejtësi, jo përpjekje për të ndryshuar historinë. Edhe Bashkimi Evropian ka reaguar ndaj ceremonisë. Presidentja e Komisionit Evropian, Ursula von der Leyen, i cilësoi pamjet nga funerali si “tronditëse” dhe tha se prania e disa zyrtarëve të lartë serbë tregon një dështim për t’u përballur me një kapitull të errët të historisë së Evropës. Sipas saj, kjo mund të dëmtojë përpjekjet e Serbisë për t’u anëtarësuar në BE. Mlladiç vazhdon të nderohet nga një pjesë e serbëve në Serbi dhe në Republikën Srpska të Bosnjës, pavarësisht dënimit të tij për rolin në masakrën e Srebrenicës në vitin 1995 dhe rrethimin e Sarajevës. Funerali shkaktoi reagime edhe në Bosnjë dhe Hercegovinë. Ministri i Jashtëm boshnjak, Elmedin Konakoviç, njoftoi dëbimin e dy diplomatëve serbë nga vendi. Ata janë atasheu ushtarak Milan Dulanoviç dhe këshilltari për inteligjencën Danko Maksimoviç, të cilëve iu dha afat 48 orë për t’u larguar nga Bosnja dhe Hercegovina. /tvklan.al
Oleksandr Usyk refuzon duelin me Tyson Furyn
Tyson Fury ndezi sërish rivalitetin me Oleksandr Usyk, por përgjigjja nga kampi i ukrainasit ishte e qartë: kampioni nuk do të presë në stol si një alternativë rezervë. Pasi Fury deklaroi se përballja e shumëpritur me Anthony Joshua-n është në rrezik dhe e sfidoi publikisht Usyk për një trilogji, menaxheri i ukrainasit, Sergey Lapin, i […]
Shteti i përfshirë në trafik armësh? Qeveria për “Opinion”: Thashetheme nga një i arratisur
Disa përgjime të bisedave midis biznesmenëve kanë ngritur pikëpyetje mbi mundësinë e përfshirjes së qeverisë në trafik të armëve. Konteksti i plotë i çështjes konkrete për të cilën bëhet fjalë nuk është zbardhur ende, ndërsa emisioni “Opinion” ka bërë publike disa prej përgjimeve të zhvilluara mes biznesmenit Ron Yeffet dhe një personi me emrin Tatiana. Informacion Ron Yeffet është një sipërmarrës në disa fusha, i spikatur në pasuritë e paluajtshme, ndërtimi dhe aviacioni. Ai ka themeluar disa biznese në Shqipëri, përfshirë ato për prodhimin dhe furnizimin me automjete dhe pajisje ushtarake. Po kështu, është konsideruar si një biznesmen me marrëdhënie të afërta me qeverinë shqiptare. Skeda e KAYO-s, kompani ku Ron Yeffet është dhe një prej themeluesve, ka si objektiv furnizimin për forcat e armatosura të Shqipërisë dhe tregjet ndërkombëtare. Aksionet e KAYO-s zotërohen nga Ministria e Mbrojtjes, e cila ka të drejtë të hyjë në ortakëri me kompani private. Në rastin konkret, kompania është bërë ortak me Timak Defence dhe Advanced Arms Technology, ku KAYO zotëron 20% të aksioneve, ndërsa themeluesit: Ron Yeffet dhe Arjeta Puca, 80% të mbetur. Lidhur me pretendimet se shteti është i përfshirë në trafik armësh, ka pasur një reagim zyrtar nga ana e qeverisë për emisionin “Opinion”, duke e mohuar kategorikisht diçka të tillë. “Qeveria nuk ka asnjë reagim për të bërë në lidhje me thashethemet dhe fabrikimet e një të arratisuri nga drejtësia nën akuzat më të rënda që i janë bërë deri më sot nga SPAK një ish-zyrtari i lartë. Faleminderit!” , thuhet në reagim. /tvklan.al
SHBA sanksionon të gjitha linjat e mbetura ajrore të Iranit
Bota SHBA sanksionon të gjitha linjat e mbetura ajrore të Iranit Veprimi i Departamentit të Thesarit shkon përtej linjave ajrore iraniane, duke synuar një rrjet kompanish të huaja që, sipas Uashingtonit, kanë ndihmuar kompaninë e sanksionuar Mahan Air të sigurojë avionë dhe të kryejnë fluturime ndërkombëtare. Mahan Air, e cila ka qenë nën sanksione të SHBA-së që nga viti 2011, mori të paktën tre avionë Boeing 777 në verën e vitit 2026 Redaksia 8 Shtator, 22:36 | Përditesimi: 8 Shtator, 22:39 2026-09-08 22:39:13 Share Tweet Shtetet e Bashkuara kanë vendosur sanksione ndaj të gjitha linjave të mbetura ajrore në Iran , duke e rritur ndjeshëm trysninë ndaj sektorit të aviacionit të Teheranit, si pjesë e një fushate më të gjerë që synon shkëputjen e Republikës Islamike nga tregtia dhe financat ndërkombëtare. Departamenti amerikan i Thesarit i sanksionoi të martën 36 subjekte dhe individë, përfshirë 27 linja ajrore iraniane, kompani të huaja dhe një individ, të cilët akuzohen se kanë ndihmuar rrjetet e sanksionuara të aviacionit të Iranit për të siguruar avionë, pjesë këmbimi për avionë dhe teknologji të tjera. Kjo është hera e parë që Uashingtoni e përdor një përcaktim të ri, i nxjerrë më 24 gusht, për të sanksionuar linjat ajrore që kishin mbetur në vend. Thesari tha se ky sektor përdoret nga qeveria iraniane për të transportuar armë, personel dhe ngarkesa të paligjshme. LEXO EDHE: Putin dhe Trump flasin 1 orë në telefon, Kremlini: Nuk kemi plane të sulmojmë Europën! Londra dhe Berlini furnizojnë Kievin me raketa Patriot “Le të jetë ky një paralajmërim për këdo që bën biznes me linjat ajrore e mbetura iraniane, të gjitha të cilat i sanksionuam sot: Ju rrezikoni të shkëputeni nga sistemi financiar global”, tha sekretari amerikan i Thesarit, Scott Bessent. “Ne nuk do të zmbrapsemi në fushatën tonë për të mbyllur burimet financiare të regjimit iranian, përfshirë sektorin e aviacionit”, tha zëdhënësi i Departamentit amerikan të Shtetit, Tommy Pigott, në një deklaratë. Sank…
4 dhoma dhe mbi 6 mijë bimë, zbulohet plantacioni i kanabisit në Belgjikë! Prokuroria kërkon 18 muaj burg për dy shqiptarët
Bota 4 dhoma dhe mbi 6 mijë bimë, zbulohet plantacioni i kanabisit në Belgjikë! Prokuroria kërkon 18 muaj burg për dy shqiptarët Dy shqiptarë rrezikojnë 18 muaj burg për përfshirjen e tyre në një plantacion shumë të madh kanabisi, i zbuluar në Dison. Policët arrestuan një 35-vjeçar që deklaroi se ishte thjesht një kopshtar. Një 28-vjeçar u zbulua nga hetimi, por ai ndodhej në burg. Pallati i Drejtësisë në Verviers Redaksia 8 Shtator, 22:28 | Përditesimi: 8 Shtator, 22:30 2026-09-08 22:30:48 Share Tweet Dy shqiptarë rrezikojnë 18 muaj burg për përfshirjen e tyre në një plantacion shumë të madh kanabisi, i zbuluar në Dison . Ata deklarojnë se janë vetëm vartës të një organizate kriminale në Shqipëri. Në qershor të vitit 2023, banorët e rrugës Bonvoisin në Dison njoftuan policinë e Vesdre për lëvizje të dyshimta në numrin 12 të kësaj rruge në qendër të Disonit, ku ndodhet një fermë e vjetër. Kontrolli fillestar zbuloi konsum anormal të energjisë elektrike në këtë banesë, gjë që ngriti dyshimet për ekzistencën e një plantacioni kanabisi. Më pas, policët zbuluan vërtet një plantacion gjigant me 4 dhoma kultivimi, ku në total ndodheshin 6.124 bimë. Policët kapën një shqiptar 35-vjeçar që flinte mbi një dyshek të thjeshtë. Ai deklaroi se ishte thjesht një kopshtar, i rekrutuar nga Tirana për një periudhë dy mujore dhe për një pagesë prej 15.000 eurosh, me qëllim mirëmbajtjen e një plantacioni për të cilin, sipas tij, fillimisht nuk e dinte se ishte me kanabis . LEXO EDHE: Policia greke shkatërron fermën e marijuanës në Peloponez, sekuestrohen 2,189 rrënjë kanabis, trafikantët humbin 3.3 milionë euro Policët zbuluan gjithashtu gjurmë ADN-je në mbulesën plastike të një prej dhomave të kultivimit. Kjo gjurmë i çoi ata te një tjetër shqiptar, 28 vjeç, i cili në atë moment ndodhej në burgun e Lantinit, pas një dënimi për posedim të një arme zjarri. Ky i fundit deklaroi se ishte punësuar për të transportuar materiale, për të cilat pretendoi se nuk e dinte se për çfarë do të për…