Aksident i rëndë në aksin Peqin–Elbasan| Humb jetën pasagjerja, plagosen dy të tjerë
05 tetor 2026 – Një aksident i rëndë rrugor ka ndodhur mbrëmjen e sotme, rreth orës 19:20, në aksin kombëtar Peqin–Elbasan. Ngjarja u shënua në vendin e quajtur “Pazari”, në segmentin rrugor Pajovë–Bishqem, ku dy automjete u përplasën me njëra-tjetrën. Si pasojë e përplasjes, ka ndërruar jetë një pasagjere, e cila fillimisht u raportua në gjendje të rëndë shëndetësore. Të plagosur kanë mbetur edhe dy drejtuesit e mjeteve të përfshira në aksident. Në vendngjarje kanë mbërritur menjëherë ekipet e emergjencës mjekësore dhe shërbimet e Policisë, ndërsa grupi hetimor po vijon punën për zbardhjen e rrethanave dhe shkaqeve të plotë të aksidentit. Lajmi në përditësim… /tvklan.al
Kandidatura për Tiranën, Braçe i palëkundur: Emri të dalë nga gara brenda PS! Nëse s’ndodh, do të ngre shtabe për të folur me socialistët
Politikë Lajme nga emisionet Kandidatura për Tiranën, Braçe i palëkundur: Emri të dalë nga gara brenda PS! Nëse s’ndodh, do të ngre shtabe për të folur me socialistët Redaksia 5 Tetor, 20:03 | Përditesimi: 5 Tetor, 20:04 2026-10-05 20:04:13 Share Tweet Tirana ndodhet në muajin e saj më vendimtar lidhur me reformën territoriale, thotë Erion Braçe . Është pikërisht momenti kur Partia Socialiste mund të veprojë në dobi të qytetit dhe banorëve të tij, me seriozitetin e duhur. “Ky është muaj deciziv në gjykimin tim. Nëse do të kishte një rast që duhej mbledhur Kryesia e partisë, Asambleja e PS duhet të ishte kjo reformë. Mblidhen ata që duhet të informojnë deputetët, por që s’i kanë informuar. Nëse këta e kanë marrë seriozisht zgjedhjet, ky është muaji i fundit. Tirana është shumë e madhe, nis në Shëngjergj, do të shkojë në Rinas e Krrabë. Janë 1 milion banorë. Nëse duam që të bëhet diçka për Tiranën, është tani”, thotë Braçe në ‘Studio Live’ në Report Tv. Nga gara për kryetar nuk heq dorë, ashtu siç qëndron i palëkundur në qëndrimin se emri duhet të vijë me garë e jo me njoftim nga partia. Nëse kjo s’do të ndodhë, do të ngrejë shtabe në Tiranë ku do të bisedojë me socialistët për të zgjedhur kandidatin. LEXO EDHE: ‘Territorialja’, Braçe kritika Ballës: Përgjegjësi e tij të organizonte diskutim gjithëpërfshirës, s’na informoi! Kërkoi ndjesë që s’u mblodh Komisioni i Ekonomisë “Kam muaj që them që socialistëve, por edhe qytetarëve të Tiranës, nuk u duhet njoftim nga PS për emrin e kandidatit. U duhet një proces i nisur nga PS që përfshin masën e gjerë që mendon se PS e ka fuqinë për ta përdorur PS si instrument për të bërë këtë qytet të mirëqeveriset. Kërkoj një proces me garë brenda që bën më të mirën për qytetarët, për të energjizuar mbi të gjitha PS, për ta bërë pjesë të vendimmarrjes çdo qytetar. Nëse s’ndodh kjo, do ta bëj unë. Si? Me shtabe. Jemi në një moment kur mua më duhet të flas me socialistët. Të ngre shtabe në të gjithë Tiranën me socialistë që mbështesin n…
“Të të dua bëhet gjithnjë…”, dashuria frymëzuese e Barack dhe Michelle Obama: Ja sa vite festuan së bashku!
Barack dhe Michelle Obama janë më të dashuruar se kurrë duke hedhur poshtë njëherë e mirë zërat për krizë mes tyre! Ata kanë festuar 34-vjetorin e martesës, duke ndarë në Instagram dedikime të ndjera për njëri-tjetrin. Ish-presidenti amerikan publikoi një fotografi ku përqafon Michelle-in dhe shkroi: “Gëzuar përvjetorin! Jam ende burri më me fat në botë që jam me ty.” Michelle, ndërkohë, ndau një video me fotografi nga historia e tyre, që nga martesa në vitin 1992, vitet në Shtëpinë e Bardhë dhe deri te momentet e tyre më të fundit. “Të të dua bëhet gjithnjë e më bukur! Gëzuar përvjetorin. Uroj që të kemi përpara edhe shumë, shumë vite të tjera me gëzim, të qeshura dhe kujtime”, shkroi ajo. Pak muaj më parë, çifti kishte folur për marrëdhënien e tyre. Barack Obama e kishte përshkruar Michelle-in si një grua me integritet, inteligjencë dhe vlera që e kanë bërë atë një njeri më të mirë. Nga ana tjetër, Michelle kishte thënë se ata “funksionojnë si kundërpeshë për njëri-tjetrin”, duke shtuar se Barack-u i kishte dhënë asaj dhe familjes së tyre një këndvështrim më të gjerë mbi mundësitë që ofron jeta. Në fund, Barack Obama e përshkroi me humor marrëdhënien e tyre: “Edhe ajo më mban me këmbë në tokë dhe të qëndrueshëm.”
‘Territorialja’, Braçe kritika Ballës: Përgjegjësi e tij të organizonte diskutim gjithëpërfshirës, s’na informoi! Kërkoi ndjesë që s’u mblodh Komisioni i Ekonomisë
Politikë Lajme nga emisionet ‘Territorialja’, Braçe kritika Ballës: Përgjegjësi e tij të organizonte diskutim gjithëpërfshirës, s’na informoi! Kërkoi ndjesë që s’u mblodh Komisioni i Ekonomisë Redaksia 5 Tetor, 19:49 | Përditesimi: 5 Tetor, 19:51 2026-10-05 19:51:16 Share Tweet Mungesa e diskutimeve të mëparshme të grupit të PS, për reformën territoriale, ndërkohë që pas 3 ditësh pritet të votohet në Kuvend, është përgjegjësi e kryetarit, shprehet Erion Braçe . Diskutimi, për të cilin në ‘Studio Live’ në Report Tv, tha se është i pari që ndodh që prej momentit kur ka nisur të flitet për ‘Territorialen’, nuk është organizuar prej Taulant Ballës. Deputeti socialist shprehet se Komisioni i Ekonomisë nuk e ka diskutuar dhe kjo është pranuar edhe nga kryetari i grupit që ka kërkuar ndjesë. Erion Braçe: S’mundet që 3 ditë para se të votohet në parlament, të ngrihet grupi parlamentar dhe ta diskutojë dhe në mbledhje të flasin vetëm 4 njerëz. LEXO EDHE: ‘Territorialja’, Braçe: Ka kohë boll për ta korrigjuar, t’i jepet fund centrailizimit të pushtetit! Vërejtje kolegëve: Ç’na pengon, arroganca? -Përse ndodh kështu? Erion Braçe: Duhet ta shpjegojë zotëria që nxorrët në insert. Është përgjegjësi e tij e drejtpërdrejtë si kryetar i grupit të PS për të organizuar një proces gjithëpërfshirës dhe të kishte brenda vetes deputetët. E para gjë lidhej me mënyrën e organizimit të diskutimit. E dyta, lidhet me të parën. Në dy kalendarë rresht, Komisioni i Ekonomisë duhet të studionte këtë projektligj. Shumica dërrmuese e kritereve që u diskutuan lidhen me ekonominë, edhe suksesi ose jo lidhet me ekonominë. Si mundet të jetë dy herë në kalendar dhe dy herë të hiqet? Të dyja u njohën si vërejtje të rëndësishme në mbledhjen e grupit, madje zotëria kërkoi ndjesë për Komisionin e Ekonomisë. Për çështjen e mbajtjes informuar të deputetëve dhe ndarjen e informacionit në kohë me banorët, u tha që është përgjegjësi e drejtuesve politikë. Si mund të vihet 3 ditë para se të votohet dhe pa vënë pa…
‘Territorialja’, Braçe: Ka kohë boll për ta korrigjuar, t’i jepet fund centrailizimit të pushtetit! Vërejtje kolegëve: Ç’na pengon, arroganca?
Politikë Lajme nga emisionet ‘Territorialja’, Braçe: Ka kohë boll për ta korrigjuar, t’i jepet fund centrailizimit të pushtetit! Vërejtje kolegëve: Ç’na pengon, arroganca? Redaksia 5 Tetor, 19:34 | Përditesimi: 5 Tetor, 19:35 2026-10-05 19:35:39 Share Tweet Korrigjimi i pr.ligjit të ‘Territoriales’ përpara se ajo të votohet në Kuvend, në një kohë kur kjo parashikohet të ndodhë pas vetëm tri ditëve, është e vetmja rrugë që të arrihet drejt mirëqeverisjes vendore, shprehet Erion Braçe për ‘Studio Live’ në Report Tv. Në mbledhjen e sotme të grupit, deputeti ka mbajtur qëndrim kundër kësaj reforme ndaj së cilës ka pasur pikëpyetje nëse është thjesht ndarje territoriale dhe evidenton mungesën e delegimit të kompetencave në pushtetin lokal. “Ka kohë boll për ta korrigjuar dhe për t’i sjellë parlamentit një gjë që qëndron nga A te Zh. Ka kohë të mjaftueshme që qeveria qendrore të transferojë kompetenca dhe të drejta. Ka kohë boll për t’i bërë gjërat mirë dhe për të marrë më të mirën e mundshme nga kjo qeveri. Kërcënime brenda e jashtë PS kam marrë boll. LEXO EDHE: ‘Territorialja’, Braçe kritika Ballës: Përgjegjësi e tij të organizonte diskutim gjithëpërfshirës, s’na informoi! Kërkoi ndjesë që s’u mblodh Komisioni i Ekonomisë Thelbi i gjithë kësaj gjëje nuk është harta, por mirëqeverisja e institucioneve. Janë institucione që krijohen me votë. I duhet dhënë fund këtij deformimi të madh që ne përqendrojmë pushtetet te niveli i lartë ose vendor dhe nuk delegohet në hallka”, u shpreh Braçe. Harta e re duhet t’u qëndrojë parimeve për t’iu përgjigjur interesit të njerëzve. “Detyra ime dhe besoj, edhe e kolegëve të PS është ta përdorin për të sjellë ndarjen administrativo-territoriale në parime. Çdo njësi e vizatuar në hartë të jetë mbi ato parime. Duhen dhënë garanci të plota që qeveria do të transferojë pushtet dhe funksione të qenësishme që i shërbejnë qytetarit”, u shpreh Braçe. Vërejtje pati edhe për kolegët e PS që janë të bindur se reforma s’duhet të votohet dhe nuk ka as…