5 shenjat e horoskopit që harxhojnë shumë para
Shpenzuesit më të mëdhenj të horoskopit janë Dashi, Gaforrja, Luani, Peshorja dhe Akrepi. Nëse ju ose partneri juaj jeni të këtyre shenjave, më së miri për ju është që të shmangni daljet në qedrat tregtare. Dashi është një shpenzues impulsiv Ju pëlqen të shijojnë jetën në maksimum dhe motoja e tyre është që paratë bëhen […]
Tre vite të varrosur, nxirren nga rrënojat trupat e 55 palestinezëve në Gaza
Mbetjet e 55 palestinezëve janë nxjerrë nga rrënojat e një banese në lagjen Zeitoun të Gazës, gati tre vjet pasi ndërtesa u shkatërrua nga një sulm ajror izraelit më 19 nëntor 2023. Operacioni i kërkimit dhe nxjerrjes së mbetjeve përfundoi të shtunën, pas më shumë se 72 orësh punë nga ekipet e Mbrojtjes Civile të Gazës. Sipas autoriteteve lokale, viktimat i përkisnin familjes Malka dhe ndodheshin në banesë, pasi ishin zhvendosur nga shtëpitë e tyre gjatë luftës. Ekipet e shpëtimit u detyruan të punonin kryesisht me mjete manuale, për shkak të mungesës së makinerive të rënda të nevojshme për të larguar masat e mëdha të betonit dhe rrënojat. Koloneli Muhammad Abu Dan, i cili mbikëqyr operacionin, tha se ekipet kishin kërkuar për më shumë se 60 trupa të familjes Malka. Ai u bëri thirrje organizatave ndërkombëtare humanitare që të sigurojnë sa më shumë pajisje, në mënyrë që ekipet të mund të nxjerrin edhe viktima të tjera, që ndodhen ende nën rrënoja. Sipas Qendrës Satelitore të Kombeve të Bashkuara, rreth 82 për qind e ndërtesave në Gaza janë dëmtuar ose shkatërruar gjatë luftës. Ndërkohë, Ministria e Shëndetësisë në Gaza, agjencitë e OKB-së dhe organizatat e ndihmës vlerësojnë se 10,000 deri në 14,000 persona mund të jenë ende të zhdukur nën rrënoja në të gjithë territorin. /tvklan.al
“Vrasja në Mirditë, s’ka kokërr misteri”, Hoxha ngre alarmin: Janë hapur varre që nuk po mbyllen…
Gazetari Artan Hoxha ka folur lidhur me ekzekutimin e Viktor Bardhit në Mirditë, duke e cilësuar ngjarjen si pjesë të një konflikti të gjatë mes dy fiseve. Hoxha u shpreh se për të kjo ngjarje “nuk ka kokërr misteri”, ndërsa ngriti pikëpyetje të forta për faktin se autorët e disa vrasjeve të lidhura me këtë […]
Përhapja e flakëve në zonën malore në Kukës, izolohet vatra e zjarrit në Zapod
Është izoluar plotësisht vatra e zjarrit në fshatin Zapod, pas ndërhyrjes së forcave të shumta në terren. Në operacionin për izolimin e flakëve u angazhuan Drejtoria e Emergjencave Civile, MZSH-ja, Policia e Shtetit dhe Policia Bashkiake, si dhe punonjësit e Administrimit të Pyjeve dhe të Njësisë Administrative Zapod. Në ndihmë të strukturave në terren kanë qenë edhe Forcat e Armatosura, zjarrfikësit e Komunës së Dragashit, si dhe vullnetarë e banorë të fshatrave Zapod dhe Pakisht. Falë ndërhyrjes së përbashkët të strukturave dhe komunitetit, vatra është izoluar, duke shmangur përhapjen e mëtejshme të zjarrit në zonën përreth. Tre vatra zjarri përfshijnë Kukësin, flakët aktivizohen në Tërthore dhe Zapod, era vështirëson ndërhyrjen e zjarrfikësve Aktualitet Top Channel Taboola End of Taboola
Qeveria e Jemenit sulme masive ajrore kundër Houthe-ve
Qeveria e njohur ndërkombëtarisht e Jemenit ka nisur një seri sulmesh ajrore kundër pozicioneve të rebelëve Houthi, në një përshkallëzim të rëndësishëm të luftimeve në vend. Sipas ushtrisë jemenase, avionët qeveritarë kryen të paktën 15 sulme të premten në provincat Taiz dhe Hodeidah, duke goditur pozicione, grumbullime dhe automjete të Houthi-ve. Sulmet ajrore mbështetën forcat qeveritare që po përballen me një ofensivë të madhe të Houthi-ve drejt bregdetit të Detit të Kuq dhe ngushticës strategjike Bab al-Mandeb. Luftimet nisën të enjten, kur Houthit përdorën raketa balistike, dronë dhe artileri në përpjekje për të avancuar drejt territoreve të kontrolluara nga qeveria. Përplasjet janë përqendruar në perëndim të Taizit dhe pranë portit al-Makha, në afërsi të Bab al-Mandebit. Më shumë se 120 luftëtarë janë vrarë që nga fillimi i ofensivës, sipas një bilanci të agjencisë AFP, ndërsa janë raportuar edhe viktima civile. Të shtunën, të paktën katër civilë u vranë dhe nëntë të tjerë u plagosën nga një sulm me raketë Houthi në një rrugë të frekuentuar në jugperëndim të Jemenit. Përdorimi në rritje i aviacionit nga qeveria jemenase shënon një ndryshim të rëndësishëm në konflikt, pasi gjatë viteve më intensive të luftës mbështetja kryesore ajrore ndaj forcave anti-Houthi vinte nga koalicioni i udhëhequr nga Arabia Saudite. Përparimi i Houthive drejt Bab al-Mandebit ka rëndësi strategjike përtej Jemenit, pasi ngushtica është një nga rrugët kryesore të transportit detar ndërkombëtar dhe lidh Detin e Kuq me Gjirin e Adenit. Kontrolli ose ndikimi më i madh i Houthive në këtë zonë mund të rrisë kërcënimin ndaj anijeve tregtare dhe të ndikojë në trafikun global të mallrave. /tvklan.al
Në pritje të vendimit për ish-krerët e UÇK
Në pritje të vendimit për ish-krerët e UÇK-së, shqiptarët do të mbajnë dy tubimet e fundit në mbështetje të tyre, më 12 shtator në Prishtinë dhe më 16 shtator në Hagë. Deputeti dhe avokati Artan Behrami shpreson që këto dy data të shënojnë një bashkim të të gjithë shqiptarëve pa dallime partiake. “Këto dy data nuk duhet me na ndarë. Në këto dy data ne nuk duhet të krijojmë përçarje e as argumentime politike, por duhet të jenë data të bashkimit dhe më 16 të jetë edhe një datë e festës së madhe të kthimit të krerëve të UÇK-së në Kosovë”, tha Artan Behrami. Ndonëse është entuziast se ish-krerët e UÇK-së do të kthehen fitimtarë në Kosovë, nuk e përjashton mundësinë edhe të një vendimi në disfavor të tyre. Dhe kjo bazuar në shkeljet e bëra nga gjykata dhe prokuroria gjatë procesit. “I gjithë procesi ka qenë një proces politik, ka qenë përplot shkelje flagrante të normave ndërkombëtare, të drejtësisë ndërkombëtare, të kushtetutës, të ligjeve, të praktikave gjyqësore dhe natyrisht që frika është tepër e madhe, sepse kjo gjykatë që nga fillimi e ka krijuar një proces në të cilin duhet patjetër dhe me çdo kusht e në çdo formë të dënohen krerët e UÇK-së. Prandaj frika është e madhe, po në anën tjetër edhe entuziazmi për fitore është shumë i madh”, shoi ai, Më 16 shtator gjykata speciale në Hagë pritet të shpalli vendimi për ish-themeluesit dhe ish-drejtuesit e UÇK-së, Hashim Thaçin, Kadri Veselin, Jakup Krasniqin dhe Rexhep Selimin, të cilët prej afro 6 vjetësh po gjykohen për disa akuza, përfshi edhe ato për krime lufte dhe krime kundër njerëzimit. Tv Klan /tvklan.al
Top Channel hap sezonin e ri/ Sara Hoxha: Pas 25 vitesh histori, ndryshojmë për të mbetur zgjedhja e parë e shqiptarëve
Sezoni i ri në Top Channel nis nga 7 shtatori me një programacion gjithpërfshirës e ndryshime në përgjigje të asaj çfarë kërkon sot publiku. Emisione të përditshme, spektakle që bashkojnë familjen, lajme me saktësi dhe besueshmëri, personazhe që lindin në ekran, histori të jashtëzakonshme njerëzore apo debate që diskutohen nga të gjithë. Ky sezon shënon një moment të rëndësishëm, hapjen e një kapitulli të ri pas historisë 25-vjeçare të Top Channel në media. Drejtuesja Ekzekutive e Përmbajtjes dhe Programeve në Top Channel, Sara Hoxha, në një koment për sezonin e ri tregon se ndryshimet i dikton koha. Dhe ndryshimi thekson ajo është i nevojshëm për të ruajtur marrëdhënien me publikun. “Kemi 25 vite histori dhe jemi shumë krenarë për këtë. Por nuk mendoj se historia mjafton. Nuk mund t’i themi publikut: Na zgjidhni, sepse na keni zgjedhur. Duhet t’i japim çdo ditë një arsye të re për të na zgjedhur. Prandaj çdo ndryshim që ndodh, çdo iniciativë e re që marrim, çdo fytyrë e re që na bashkohet, bëhet për të njëjtin qëllim që Top-i të vazhdojë të ecë përpara dhe që të mos humbasë atë që e ka bërë Top-in TOP”, shprehet Sara Hoxha, Drejtuese Ekzekutive e Përmbajtjes dhe Programeve. Ndërtimi i një kapitulli të ri në Top Channel vjen jo duke parë pas, por në një proces evoluimi përparon me ritmin e shoqërisë. “Pas 25 vitesh kjo është ndoshta sfida më e madhe, të guxojmë, të ndryshojmë, por të mbetemi gjithmonë zgjedhja e parë e shqiptarëve. Jo vetëm se ne e meritojmë, por e duam këtë vend, e duam televizionin, e vlerësojmë publikun tonë kaq besnik”, shton Sara Hoxha. Ndryshimi i Shqipërisë, i situatës politike, i mënyrës si informohemi apo argëtohemi sjell një sezon që i jep publikut atë që duan nga media që ka qenë pjesë e jetës së tyre prej një çerek shekulli. Top Channel ndjek cikle të suksesshme që mbarojnë e i lënë vendin sfidave të reja, për të garantuar një të ardhme në krah me shqiptarët, duke qenë gjithmonë të parët. Top Channel Taboola End of Taboola
Kuvendi rikthehet në “betejë”/ Harta territoriale, testi i parë, PD paralajmëron ankesë në Kushtetuese dhe referendume
Sesion i ri, beteja të vjetra. Më 8 shtator, deputetët rikthehen pas pushimeve në punë me detyra të mbartura, pasi në tryezë do të kenë reformat që nuk i mbyllën dot për shkak të konfliktit politik. Bashkëjetesa politike brenda së njëjtës sallë duket se do të vijojë të jetë mision i vështirë për ligjvënësit. Testi i parë do të jetë miratimi i hartës territoriale. Socialistët synojnë që zgjedhjet vendore të 2027 të mbahen në një territor të ri me 46 bashki. Plani i mazhorancës është miratimi i hartës së re në fillim të tetorit, por demokratët këmbëngulin te konsensusi politik. “Kujtojmë këtu, meqë ju referuat vendimmarrjes së Kolegjit Zgjedhor dhe Gjykatës Kushtetuese sa i përket reformës së vitit 2014, që nga ana jonë u çua në Gjykatën Kushtetuese. Objekt i debatit në gjykatë ishte gjithashtu dhe fakti nëse tre të pestat që kërkon miratimi i një reforme të tillë kërkojnë një konsensus substancial midis forcave kryesore politike për miratimin e një reforme të tillë apo pasjen nga një mazhorancë të caktuar të një numri formal votash, çka do ta bënte reformën subjekt i një vullneti elektoral për të marrë rezultat zgjedhor në një moment të caktuar”, deklaron Ivi Kaso, deputet i PD. Opozita nuk i ka votat për ta bllokuar miratimin e hartës së re në Parlament. Në këto kushte, skenarët e demokratëve janë dy: betejë në Gjykatën Kushtetuese dhe zhvillimi i referendumeve lokale në 15 njësi vendore që refuzojnë bashkimin me bashki më të mëdha. “Qëndrimi politik i PD është i qartë, nuk e njeh këtë produkt të njëanshëm që do të sillte fitoren në tavolinë të zgjedhjeve vendore të vitit 2027 dhe do t’i paraprinte rrëmbimit të një tjetër mandati në zgjedhjet e përgjithshme, kurdo që ato të jenë. Një nga opsionet që e ka artikuluar dhe kryetari i partisë për ta kundërshtuar atë është mbajtja e referendumeve vendore, të cilat sigurisht kanë kompleksitetin e tyre dhe vështirësinë e tyre për t’i mbajtur”, shprehet Ivi Kaso. Krisja e paktit politik për reformën territoriale nuk ka cenu…
Presidenti Begaj në 245-vjetorin e themelimit të Teqesë së Frashërit: Ky objekt kulti përhapi dijen
Presidenti i Republikës Bajram Begaj, mori pjesë sot në 5 shtator në 245-vjetorin e themelimit të Teqesë së Frashërit. Para besimtarëve bektashinj, të cilët 5 shtatorin e kanë ditë pelegrinazhi, Presidenti Begaj nderoi vëllezërit Frashëri dhe kujtoi vlerat historike të kësaj teqeje për përhapjen e dijes, për ruajtjen e identitetit shqiptar dhe çështjen kombëtare. “Që nga viti 1781, kur “hodhi çatinë “kjo teqe, ajo nuk shërbeu vetëm si vend lutjeje. Ajo u bë shtëpi e hapur për udhëtarin, vatër dijeje e kuvendimi dhe, mbi të gjitha, vatër e ndërgjegjes shqiptare”, – deklaroi Presidenti i Republikës në fjalën përshëndetëse. Kreu i Shtetit kujtoi rolin e klerikëve bektashnj në momentet vendimtare për shqiptarët, nga Rilindja, deri në ndërtimin e shtetit. Duke u ndalur në filozofinë dhe frymën e besimit, Presidenti i Republikës theksoi kontributin e bektashinjve në bashkejetesën fetare. “Në ditët tona ne flasim shumë për harmoninë fetare, vërtet një vlerë e jashtëzakonshme, dhe shpesh rrezikojmë ta kthejmë atë në një formulë protokollare, por harmonia fetare shqiptare nuk lindi në tryeza zyrtare apo si çeshtje protokollare. Ajo u gatua në vende si kjo teqe, nga breza klerikësh e besimtarësh që ditën të ishin të përkushtuar në besimin e tyre dhe, njëkohësisht, të shihnin tek tjetri bashkëkombësin, fqinjin, vëllain e një gjaku e të një gjuhe”, – u shpreh Presidenti Begaj. Theksoi se mesazhi i bektashizmit për urtësi, maturi e ndërtimurash mes njerëzve është sot po aq i gjallë dhe i nevojshëm sadikur. “Drita e besimit dhe kujtesa e një populli nuk mund të shlyhen”, – u shpreh ai, duke kujtuar dhe përpjekjet e klerikëve që i mbijetuan diktaturës në Shqipëri dhe rizgjuan besimin. Ai theksoi rëndësinë për mbrojtjen dhe përcjelljen e kujtesës kombëtare dhe identitetit kombëtar. Në fund të fjalës përshëndetëse, Presidenti i Republikës u shpreh se “Pelegrinazhi në Frashër është një udhëtim në rrënjët e identitetit tonë, atje ku besimi u bë dije, dija u bë vetëdije dhe vetëdija…